ԱՄՆ պաշտպանական գերատեսչությունը հրապարակել է այն զինվորականի անունը, որը մի քանի օր առաջ գնդակահարել էր այդ երկրի միանգամից 16 քաղաքացիների. այս մասին հաղորդում է Associated Press գործակալությունը:
Նրա անունը Ռոբերտ Բեյլս է: Զինվորականի անձի մասին այլ տեղեկություններ չեն հաղորդվում:
Երեկ մենք տեղեկացրել էինք, որ նրան Աֆղանստանից սկզբում տեղափոխել էին Քուվեյթ, ապա ԱՄՆ: Ամերիկյան զինվորականության այս որոշումը կտրուկ քննադատել է Աֆղանստանի նախագահ Համիդ Քարզայը:
Չնայած ԱՄՆ պաշտպանության նախարար Լեոն Պանետան անցած շաբաթ ասել էր, որ ամերիկացուն հնարավոր է՝ մահապատժի ենթարկեն, այնուամենայնիվ սպանվածների հարազատները պահանջում են, որպեսզի նրա դատավարությունը տեղի ունենա հենց Աֆղանստանի տարածքում:
