Երեկ Սանտյագոյում առնվազն 50 մարդ է ձերբակալվել, երբ ոստիկանությունը բախվել է ցուցարարների հետ, ովքեր պահանջում էին կրթության համակարգում բարեփոխումներ իրականացնել:
Associated Press-ի փոխանցմամբ՝ ցույցի ժամանակ վիրավորվել է նաև երեք ոստիկան: Ոստիկանությունը արցունքաբեր գազ է օգտագործել 5000 ցուցարարներին կարգի բերելու համար, ինչին ի պատասխան՝ ցուցարարները, որոնց մեծ մասը ուսանողներ են եղել, քարեր, փայտեր ու ներկերով լի շշեր են նետել նրանց ուղղությամբ:
Ցուցարարները երթ անցկացնելու պաշտոնական թույլտվություն չեն ունեցել, և բախումները սկսվել են, երբ ոստիկանությունը փորձել է ցրել ցույցերը: