Ռուսաստանի ընդդիմադիր «Ձախ ճակատի» համակարգող Սերգեյ Ուդալցովը «Հանուն արդար ընտրությունների» հանրահավաքում իր ելույթում կոչ է արել բոլոր նրանց, ովքեր համաձայն չեն ընտրությունների արդյունքների հետ, մայիսի 1-ին դուրս գալ «միլիոնների երթի», հաղորդում է Дождь հեռուստաալիքը:
Ուդալցովը հույս է հայտնել, որ այդ օրվա ցույցին կմասնակցեն ոչ միայն Մոսկվայի, այլև հարևան շրջանների բնակիչները:
Բացի այդ, նա նշել է, որ չի պատրաստվում այսօր հեռանալ Նոր Արբատից: Նշենք, ոստիկանությունն ավելի վաղ զգուշացրել էր, որ կկանխի բոլոր անօրինական և չարտոնված գործողությունները:
Հանրահավաքը կավարտվի ժամը 16:00-ին:
