Երգչուհի Սելին Դիոնը որոշ ժամանակով կհեռանա երաժշտական ասպարեզից:
Ինչպես հաղորդում է E!Online-ը, նախապես ակնկալվում էր, որ նա կվերադառնար շաբաթ օրը, բայց այժմ նրա կայքում տեղադրված հաղորդագրության համաձայն՝ երգչուհին մինչև հունիս ամիսը հետաձգել է իր բոլոր համերգները:
Սելինը երկուշաբթի օրը մեկնել էր Լոս Անջելես՝ UCLA բժշկական կենտրոնում ստուգվելու, քանի որ ձայնալարերի հետ կապված խնդիրներ ուներ: Բժիշկն ասել է, որ նա կվերականգնվի 8 շաբաթվա ընթացքում:
Երգչուհին իր հայտարարության մեջ ասել է, որ սկզբում հույս է ունեցել, թե խնդիրը լուրջ չէ, բայց այնուհետև զգացել է, որ չի կարողանում ղեկավարել ձայնը և որոշել է դիմել բժշկի:
