Նյու Դելիի ոստիկանությունը ձերբակալել է երկու ահաբեկչի, որոնք մտադիր էին մի շարք ահաբեկչություններ իրականացնել երկրի բարձրաստիճան պաշտոնյաների դեմ: Այս մասին գրում է India Today-ը:
Մամուլի տեղեկություններով`ձերբակալվածները անդամներն են իսլամական արմատական «Լակշար է Թայբա» խմբավորման, որին համարում են Նյու Դելիի և Մումբայի մի շարք ահաբեկչությունների մասնակից:
Հնդկական ոստիկանության ներկայացուցիչ Ռաջան Բհագաթը RIA Novosti-ի հետ զրույցում հաստատել է ահաբեկչությանն առնչվող երկու անձի ձերբակալությունը, սակայն չի ասել, թե ինչ խմբավորման են նրանք պատկանում: «Օպերատիվ տվյալների համաձայն` նրանք ծրագրել են ահաբեկչություններ: Գնում է հետաքննություն: Առայժմ հայտնի չէ` ինչ խմբավորման են նրանք պատկանում»,- ասել է նա:
Հիշեցնենք, որ 2011 թ. սեպտեմբերին Հնդկաստանի մայրաքաղաքում Գերագույն դատարանի շենքի առաջ իրագործվել էր պայթյուն, որի հետևանքով զոհվել էր 15 մարդ, շուրջ 100-ը վիրավորվել էին: Այն ժամանակ ահաբեկչության իրականացումն ստանձնել էր երկրում գործող իսլամական խմբավորումներից մեկը:
