Ինչպես գրում է հայտնի ամերիկյան հետազոտական Jamestown Foundation-ը, ի դեմս Վրաստանի՝ Ռուսաստանը լրջագույն մրցակից ունի Հյուսիսային Կովկասում: Այս մասին գրված է հիմնադրամի կայքում տպագրված հոդվածում: Հոդվածում ասվում է, որ Վրաստանը փոխել է իր դիրքորոշումը Հյուսիսային Կովկասի նկատմամբ և պատրաստ է ավելի ակտիվ դեր խաղալ այս տարածաշրջանում:
Այս պայմաններում, ըստ հոդվածագրի, Ռուսաստանը կա՛մ պետք է հաշտվի այս մտքի հետ, կա՛մ էլ ավելի ագրեսիվ քաղաքականություն վարի Վրաստանի նկատմամբ:
«2010 թ., նախորդ տարիների հետ համեմատած, ավելի ծանր էր Հյուսիսային Կովկասում գոյություն ունեցող խնդիրների զարգացման տեսակետից: Ռուսաստանի բոլոր բարձրաստիճան պաշտոնայները, այդ թվում և նախագահը, գիտակցում են, որ իրավիճակը տարածաշրջանում անընդհատ փոխվում է»:
Հոդվածագրի կարծիքով, Հյուսիսային Կովկասում հաճախակիացած հարձակումներն 2014 թ. Սոչիի օլիմպիադայից առաջ իրենց ազդեցությունը կունենան: