Հետազոտողները պնդում են, որ նարնջի և թուրինջի օգտագործումը նվազեցնում է կաթվածի հավանականությունը:
Նոր հետազոտությունն առաջին անգամ, մի շարք մրգերի և բանջարեղենների փոխարեն, ուսումնասիրեց հենց ցիտրուսային մրգերը, որոնք նախատեսված են կաթվածներից պաշտպանելու համար: Հետազոտողները առաջարկում են, որ մարդիկ, ովքեր ուզում են ավելացնել ցիտրուսների բաժինը իրենց սննդամթերքում, ամբողջական միրգը ուտեն, ոչ թե հյութեր ըմպեն:
Առաջատար հետազոտող, պրոֆեսոր Այդին Կասեդին ասել է.
– Մրգերի, բանջարեղենի և հատկապես վիտամին C-ի ընդունումն է նվազեցնում ինսուլտի ռիսկը:
– Բոլորս էլ գիտենք, որ բանջարեղենը և թարմ մրգերը ընդհանրապես օգտակար են մեր առողջության համար, բայց այս ուսումնասիրությունը վկայում է, որ հատկապես ցիտրուսային մրգերի օգտագործումը, ինչպիսիք են նարինջը և թուրինջը, որոնք վիտամին C են պարունակում, նվազեցնում են կաթվածի ռիսկը: Սակայն մարդիկ չպետք է դադարեն օգտագործել այլ տեսակի մրգեր ու բանջարեղեն, որովհետև դրանք բոլորն էլ օգտակար են օրգանիզմի և առողջության համար:
«Լրացուցիչ հետազոտություններ են անհրաժեշտ՝ հասկանալու համար, թե ինչու են հատկապես ցիտրուսային մրգերը նվազեցնում կաթվածները:
Բացի այս, յուրաքանչյուր ոք կարող է նվազեցնել նման ռիսկը՝ ընդունելով առողջ սնունդ՝ առանց ճարպերի և աղի մեծ քանակության, պարբերաբար մարզվելով և արյան ճնշումը հսկողության տակ պահելով»,- բացատրում է դոկտոր Շառլին Ահմեդը:
