Ռիհաննան հայտնի է իր համարձակ հայտարարություններով, որոնք նա անում է իր երգերի, իր տեսքի և անգամ մազերի գույնի միջոցով: Բայց նրա վերջերս կայացրած որոշումը՝ համագործակցել այն երգչի հետ, ով երեք տարի առաջ իրեն արյունլվիկ էր արել ու թողել կապտուկներով, որոշ հարցերի տեղիք է տալիս:
Հիշեցնենք, որ երկուշաբթի օրը Ռիհաննան և Քրիս Բրաունը երկրպագուներին էին ներկայացրել իրենց նոր երգերը: Բրաունը երգում է Ռիհաննայի Birthday Cake երգի ռեմիքս տարբերակում, իսկ Ռիհաննան՝ Բրաունի Turn up the Music երգի ռեմիքս տարբերակում:
Associated Press-ը գրում է, որ երգչուհու երկրպագուները տարբեր կարծիքներ ունեն նման որոշման վերաբերյալ. ոմանք աջակցում են երգիչների համագործակցությանը, ոմանք էլ դատապարտում են այն:
Շատերը կարծում են, որ Ռիհաննան իր այս քայլի պատճառով կարող է կորցնել իր աջակիցներից և երկրպագուներից շատերին: