Մադրիդի «Ռեալ»-ի գլխավոր մարզիչ Ժոզե Մոուրինյոն Չեմպիոնների Լիգայի գավաթի ընթացիկ խաղարկության 1/8 եզրափակիչի առաջին խաղում Մոսկվայի «ԲԿՄԱ»-ի հետ ոչ-ոքին (1:1) բավարար արդյունք է համարում:
«Ես հիասթափված եմ, բայց դա բավարար արդյունք է: Մենք մի քանի գոլային պահեր չկարողացանք իրացնել: Երկրորդ խաղակեսում պետք էր գրավել մրցակցի դարպասն ու ապահովել հաղթանակը: «ԲԿՄԱ»-ի գոլի ժամանակ մրցակցի ֆուտբոլիստը կանոնները խախտեց Ռոնալդուի հետ պայքարում, բայց մոտ կանգնած մրցավարը չնկատեց այն:
Պատասխան խաղում հաղթելու ենք, քանի որ պայմաններն այլ են լինելու: «ԲԿՄԱ»-ն արժանի է այս արդյունքին, և ես շնորհավորում եմ նրանց»:
Նշենք, որ պատասխան խաղը տեղի կունենա Մադրիդի «Սանտիագո Բեռնաբեո» մարզադաշտում` մարտի 14-ին:
