Քիչ առաջ «Մեր քաղաքը», «Մենք ենք այս քաղաքաի տերը» քաղաքացիական նախաձեռնության անդամները, բնապահպան ակտիվիստները ազատագրեցին Մաշտոցի պուրակում տեղադրված էլիտար կրպակների տարածքը:
Վերադառնալով քաղաքապետարանի առջևի ակցիայից՝ ակտիվիստներին հաջողվեց կոտրել ոստիկանական պատն ու տեղադրված հատուկ պատնեշները։ Նրանց հաջողվեց մտնել էլիտար կրպակների տարածք: Այս պահին 50-ից ավելի ակտիվիստներ «գրավել» են էլիտար կրպակների տարածքները և չեն պատրաստվում թույլ տալ, որ կրպակների շինարարությունը շարունակվի:
Ակտիվիստները կոչ են անում չտրվել ոստիկանական սադրանքներին և դուրս չգալ էլիտար կրպակների տարածքից: «Միացեք, մենք ենք այս քաղաքի տերը», «Երևան» բացականչություններով՝ Երևանի բոլոր քաղաքացիներին կոչ են անում միանալ և պայքարել իրենց իրավունքների համար:
