Ավստրիայի ֆինանսների նախարար Մարիա Ֆեկտերն այսօր ասել է, որ եվրոգոտու ֆինանսների նախարարները պատրաստվում են երկուշաբթի օրը հաստատել Հունաստանին վարկային փաթեթ տրամադրելու գործարքը, չնայած վերջնական մանրամասները դեռևս քննարկվում են:
Reuters-ը գրում է, որ երբ հեռուստատեսային հարցազրույցի ժամանակ Ֆեկտերին հարցրել են, թե արդյո՞ ք երկուշաբթի օրը գործարքը կհաստատվի, և Հունաստանը եվրոգոտում կմնա՞, թե՞ ոչ, նախարարը պատասխանել է, որ այժմ ամեն ինչ վկայում է հենց դրա մասին:
Նա ավելացրել է, որ չի կարծում` ինչ-որ բան այլ կերպ լինի, քանի որ դա չափազանց շատ գումարների հետ կապված կլինի:
Հիշեցնենք, որ Հունաստանը շաբաթ օրն ընդունել էր տնտեսական վերջին խիստ միջոցառումները, որոնք ԵՄ-ը և Արժույթի միջազգային հիմնադրամը պահանջում էին` որպես գործարքի կնքման պայման:
