Սուրբ Ծնունդը հայ առաքելական եկեղեցու հինգ տաղավար տոներից մեկն է: «Տոների այս անվանումը գալիս է հրեական տաղավարահարաց տոներից, որոնց ընթացքում մարդիկ հեռանում էին տնից ու մի քանի օր ապրում վանքերում կամ ժամանակավոր կացարաններում»,- պարզաբանում է Դվինի եկեղեցու քահանա տեր Միքայելը: Այժմ ևս տաղավար տոները տևում են մի քանի օր: Սուրբ Ծնունդը, օրինակ, տևում է 8 օր` հունվարի 6-ից մինչև 13-ը: Հունվարի 7-ին մեռելոց է: «Այս օրը մարդիկ գնում են գերեզմաններ` աղոթելու իրենց ննջեցյալ հարազատների հոգու փրկության համար: Քանզի նրանք արդեն ոչինիչ չեն կարող փոխել իրենց կյաքնում կատարած գործողություններում, մեզ մնում է Աստծուց խնդրել` ներել նրանց մեղքերը»,- ասում է տեր Միքայելը: Ըստ նրա՝ ավելի ճիշտ է նախքան գերեզմաններ գնալը եկեղեցի գնալ ու լսել մեռելոցի պատարագը: Այս պատարագի ժամանակ քահանան աղոթում է բոլոր ննջեցյալների հոգիների համար, իսկ մարդիկ տալիս են իրենց մահացած հարազատների անունները, որպեսզի քահանան օրհնի նրանց հոգիները: