«Երկիր»-ի տեղեկություններով` Կոտայքում տարբեր մակարդակներով շարունակում են ԲՀԿ նախագահ Գագիկ Ծառուկյանի ազդեցությունը թուլացնելու մեխանիզմներ մշակել:
«Հիմա էլ գործի են դրել Արթուր Հարությունյանին, ով առավել հայտնի է Պալաչ մականունով: Ի դեպ, նախօրեին էլ թերթերից մեկում տեղեկություն տարածվեց, որ նրա հովանավորությամբ 1000 ԲՀԿ-ական է դուրս եկել կուսակցությունից, սակայն ԲՀԿ-ից լուրը հերքեցին: Ըստ մեր լուրերի` Պալաչը ժամանակին եղել է Գագիկ Ծառուկյանի թիկնազորի պետը, բայց ընդհարվելուց և շեֆին լքելուց հետո սկսել է նրա դեմ աշխատել:
Շշուկներ կան, որ ԲՀԿ-ի հաշվին ՀՀԿ-ի կշիռը Աբովյանում բարձրացնելու գործին լծվել է անգամ ոստիկանապետ Վովա Գասպարյանը, և հենց նա էլ կանգնած է Պալաչի թիկունքին, ով, ի դեպ, Աբովյան-Երևան ավտոբուսի գծի տերն է»,- հավելում է թերթը: