Տեղի ունեցան Չեմպիոնների Լիգայի գավաթի 2011/12թթ. խաղարկության 1/8 եզրափակիչի 2 հանդիպումներ:
Կատալոնական «Բարսելոնա»-ն Լևերկուզենի «Բայ Արենա» մարզադաշտում 1:3 հաշվով պարտության մատնեց տեղի «Բայեր»-ին` գործնականում լուծելով քառորդ եզրափակիչ դուրս գալու հարցը: Հյուրերի կազմում դուբլի հեղինակ դարձավ Ալեքսիս Սանչեսը, մեկ գոլ հեղինակեց Լիոնել Մեսսին: «Բայեր»-ի կազմում աչքի ընկավ Միխայել Կադլեցը:
Խաղային առաջին օրվա մյուս մրցավեճում «Լիոն»-ը սեփական հարկի տակ նվազագույն հաշվով առավելության հասավ «ԱՊՕԵԼ»-ի նկատմամբ: Ֆրանսիական ակումբի կազմում գոլ հեղինակեց Ալեքսանդր Լակազետտը:
«Բայեր» – «Բարսելոնա»` 1:3
0:1 Սանչես (41’), 1:1 Կադլեց (51’), 1:2 Սանչես (55’), 1:3 Մեսսի (88’)
«Լիոն» – «ԱՊՕԵԼ»` 1:0
1:0 Լակազետտ (58’)
Այսօր տեղի կունենան ևս երկու հանդիպումներ: Իտալական Ա Սերիայի գործող չեմպիոն «Միլան»-ը «Սան Սիրո» մարզադաշտում կընդունի Լոնդոնի «Արսենալ»-ին, իսկ «Զենիթ»-ը կհյուրընկալի «Բենֆիկա»-ին: