«Երկիր»-ը գրում է. «Օրերս անդրադարձել էինք՝ Երևանի Մալաթիա-Սեբաստիա համայնքի Հարավարևմտյան թաղամասի բազմահարկ շենքերի բնակիչները գիշերային այցելուներ են ունեցել, որոնք ներկայացել են որպես ոստիկանության անձնագրային բաժանմունքի աշխատակիցներ, գրանցել բնակիչների անձնագրային տվյալները և պատճառաբանել, որ հանձնարարություն ունեն ստուգելու քաղաքացիների անձնագրերի վավերականությունը»,- ապա թերթը հավելում է.
«Ըստ մեր տեղեկությունների` անկոչ հյուրերը Աժ պատգամավոր Սամվել Ալեքսանյանի (Լֆիկ) «ձայնահավաքներն» են: Հրապարակումից հետո, ըստ մեր ունեցած տեղեկատվության, խնդիրը «կարգավորվել է օրենքով»: Այժմ նույն պատճառաբանությամբ բնակիչների (արդեն՝ ընտրողների) դռներն են թակում ՀՀ ոստիկանության թաղային լիազորները, որոնք անում են նույն գործողությունը, ինչը որ Լֆիկի տղաները, ստուգում են և գրանցում բնակիչների անձնագրային տվյալները»: