«Երկիր»-ը գրում է, որ փետրվարի 12-ին Հրազդանում կայանալիք քաղաքապետի ընտրություններին լրջորեն պատրաստվում են ինչպես ՀԱԿ-ում, այնպես էլ Հանրապետականում:
«Մեր տեղեկություններով` Կոտայքի մարզպետ Կովալենկո Շահգալդյանը ՀՀԿ-ում ընտրությունների արդյունքների ողջ պատասխանատվությունն իր ուսերին է վերցրել: Նա հայտարարել է, որ եթե գործող քաղաքապետ, ՀՀԿ-ական Արամ Դանիելյանը չանցնի, ապա պատրաստ է իր հրաժարականի դիմումը գրել: Հանրապետականում շշուկներ կան, որ Դանիելյանի համար «վիզ դրած» մարզպետը «գրազ է եկել», որ Դանիելյանը կհաղթի»,- գրում է թերթը և հավելում.
«Մեկ այլ աղբյուրի պնդմամբ` լուրջ հայտարարություններ է արել նաև ՀԱԿ անդամ, քաղաքապետի թեկնածու Սասուն Միքայելյանը և իր նեղ շրջապատում ասել է.
«Եթե թույլ չտան ընտրությունների ազատ և արդար անցկացումը, ապա Կովալը թող ինձնից չնեղանա»:
