Reuters գործակալության փոխանցմամբ, ԵՄ անդամ մի շարք երկրների ընկերություններ երկարաձգել են 2012 թվականին իրանական նավթի ներկրման վերաբերյալ պայմանագրերի մեծ մասը, որպեսզի գոնե տարվա առաջին կեսին խուսափեն իրանական նավթի ներկրման վրա հնարավոր բեռնարգելքի հետևանքներից։ Այս մասին հայտնում են առևտրային շրջանակների աղբյուրները։
Վերջիններս ընդգծում են, որ համապատասխան պայմանագրերը երկարաձգել են իտալական Saras, ERG և Iplom, իսպանական Repsol և հունական Hellenic ընկերությունները։ Վերջին տվյալներով, Իտալիան, Իսպանիան և Հունաստանը օրական Իրանից գնում են մոտ 500,000 բարել նավթ։
Հիշեցնենք, որ ԵՄ-ը կարող է արդեն հունվարի 23-ին բեռնարգելք դնել իրանական նավթի ներկրման վրա։