Հեռախոսի գյուտարար Ալեքսանդր Բելլի` իր ծնողներին ուղղված նամակը, որի մեջ նա նաև ներառել է սարքի` իր կողմից արված նկարը և նաև արել նշումներ այն մասին, թե ինչպես պետք է պաշտպանվել դրանից օգտվելիս, հանվել է աճուրդի:
Daily Mail-ը գրում է, որ նամակը գյուտարարի ծնողների կողմից կարդացվել է 1878 թվականին` այն բանից հետո, երբ կայծակի հետևանքով տեղի ունեցած դժբախտ դեպքի պատճառով վտանգվեց նրա հայտնագործության օգտագործումը:
8 էջանոց նամակում Բելլը ներառել է նաև երկու իրար կցված հեռախոսների ուրվանկար, ինչպես նաև գրել է այն մասին, թե ինչպես է պետք պաշտպանվել սարքն օգտագործելիս, որպեսզի այն կյանքին վտանգ չսպառնա:
RR աճուրդը սկսվել է անցած տարվա դեկտեմբերին և կշարունակվի մինչև հունվարի 18-ը:
