8 երեխա ունենալը տպավորիչ է աշխարհի բոլոր ծայրերում, իսկ Չինաստանում դա ուղղակի անհավանական է:
Գուանդգոնգ շրջանում ապրող զույգը ինչ-որ կերպ կարողացել է շրջանցել երկրի` միայն մեկ երեխա ունենալու մասին օրենքը` 160.000 դոլար վճարելով երկու «սուռոգատ» մայրերի, որոնք զույգի համար չորս տղա և չորս աղջիկ են ունեցել:
Սրանով զույգը ոչ միայն խախտել է մեկ երեխա ունենալու մասին օրենքը, այլև «սուռոգատ» մայրերի միջոցով երեխա ունենալու մասին օրենքը, որը արգելվում է Չինաստանում:
Mail Online-ը գրում է, որ այս ընտանիքի մասին հայտնի է դարձել միայն այն ժամանակ, երբ երեխաների լուսանկարներն օգտագործվել են լուսանկարչական ստուդիայի գովազդի համար:
