Այսօր կայացավ Իսպանիայի Գավաթի խաղարկության վիճակահանությունը, որից հետո պարզ դարձավ, որ «Ռեալ»-ն ու «Բարսելոնա»-ն կարող են հանդիպել մրցաշարի քառորդ եզրափակիչում:
1/8 եզրափակիչում «արքայական» ակումբի հակառակորդը կլինի «Մալագա»-ն, իսկ «Բարսելոնա»-ն կհանդիպի «Օսասունա»-ին: Այս մրցավեճերի զույգերի հաղթողները միմյանց հետ կմրցեն քառորդ եզրափակիչում: 1/8 եզրափակիչի մրցավեճերի մյուս զույգերն են` «Ռասինգ» – «Միրանդես», «Ատլետիկ» – «Ալբասետե», «Լևանտե» – «Ալկորկոն», «Էսպանյոլ» – «Կորդովա», «Մալյորկա» – «Ռեալ Սոսյեդադ», «Սևիլիա» – «Վալենսիա»:
1/8 եզրափակիչի առաջին հանդիպումները տեղի կունենան 2012 թվականի հունվարի 3-5-ին, իսկ պատասխանները` 10-12-ին: Եթե «Ռեալ»-ն ու «Բարսելոնա»-ն դուրս գան քառորդ եզրափակիչ, ապա նրանց միջև առաջին խաղը կկայանա Մադրիդում` «Սանտիագու Բեռնաբեու» մարզադաշտում` հունվարի 18-ին: Պատասխան խաղը «Կամպ Նոու»-ում տեղի կունենա հունվարի 25-ին:
