Համացանցում՝ իսլամական կայքերից մեկում, երեքշաբթի օրը հրապարակվել է տեսանյութ, որում այս տարվա սեպտեմբերին սպանված «Բեն Լադենին փոխարինող» Անվար Ալ-Ավլակին «Ալ-Քաիդա»-ին միանալու կոչով դիմում է ամերիկացի մուսուլմաններին: Այս մասին հաղորդում է Reuters գործակալությունը:
«Դուք երկու ճանապարհ ունեք. արտագաղթել կամ սրբազան պատերազմ մղել: Ես հատկապես երիտասարդությանը կոչ եմ անում կամ պայքարել Արևմուտքում, կամ գնալ Աֆղանստան, Իրաք և Սոմալի՝ իրենց եղբայրների մոտ»,- ասվում է Ալ-Ավլակիի տեաուղերձում:
Ծայրահեղական իսլամի քարոզիչ Ալ- Ավլակին Բեն Լադենի սպանությունից հետո նշանակվել էր «Ալ-Քաիդա»-ի առաջնորդ, սակայն սեպտեմբերի 30-ին Եմենի հարավում սպանվել էր ԿՀՎ աշխատակիցների կողմից:
ԱՄՆ հետախուզության տվյալներով՝ Ալ Ավլակին մասնակցություն է ունեցել սեպտեմբերի 11-ի ահաբեկչության կազմակերպմանը: Նա նաև գլխավորում էր «Ալ-Քաիդա»-ի եմենյան բջիջը:
