Ձմռան գալուստով ավտոմեքենայի ապահովագրումը դառնում է առավել կարևոր, քանի որ անբարենպաստ եղանակի պատճառով ճանապարհատրանսպորտային պատահարների թիվը, որի մասնակից կարող է լինել ինչպես սկսնակ, այնպես էլ փորձառու վարորդը, աճում է:
ՃՏՊ-ի հետ կապնված զգալի ծախսերից խուսափելուն օգնում է ավտոապահովագրությունը: ԿԱՍԿՈ ապահովագրության ձևակերպմամբ հաճախորդը ապահովագրում է իր մեքենան ինչպես աննշան վնասվածքներից, այնպես էլ ՃՏՊ-ի կամ առևանգման հետևանքով ավտոմեքենայի ամբողջական կորստից: ԿԱՍԿՈ-ի առկայության դեպքում ապահովագրական ընկերությունն իրականացնում է փոխհատուցում, անգամ եթե հաճախորդն ինքն է պատահարի մեղավորը:
ԿԱՍԿՈ ապահովագրությունը բնակչության լայն զանգվածի համար առավել հասանելի դարձնելու նպատակով, «Յունիբանկը» հայաստանյան շուկայի առաջատար ապահովագրական ընկերություններից մեկի` ՌԵՍՈ ՓԲԸ-ի հետ համատեղ մշակել է U-ԿԱՍԿՈ + ծրագիրը, որի շրջանակներում հաճախորդները կարող են վարկով ձևակերպել ավտոապահովագրություն:
Վարկը տրամադրվում է մինչև 600 հազար դրամ գումարով և նախատեսված է ԿԱՍԿՈ ապահովագրության կամ ապահովագրական փաթեթի ձեռքբերման համար, որը ներառում է ԿԱՍԿՈ և բժշկական ապահովագրություն: Վարկից կարող են օգտվել այն ֆիզիկական անձինք, որոնք չունեն բացասական վարկային պատմություն և հանդիսանում են 2001-ից հետո արտադրված արտասահմանյան կամ 2006-ից հետո արտադրված ռուսաստանյան մեքենաների տերեր:
Վարկի ժամկետը կազմում է 12 ամիս, կանխավճարը` 0%, տոկոսադրույքը` 20-23% տարեկան: Ընդ որում` Յունիբանկի բոլոր հաճախորդների համար տոկոսադրույքը կազմում է 21%, իսկ ավտովարկավորումից օգտվող հաճախորդների համար այն սահմանված է նվազագույն չափով` 20% տարեկան: Այսպես, եթե մեքենայի արժեքը կազմում է 20 հազար ԱՄՆ դոլար, ապա վարկի գծով ամենամսյա վճարումները կազմում են 15 300-ից մինչև 22 900 դրամ:
U-ԿԱՍԿՈ+ վարկի ձևակերպման համար անհրաժեշտ է ներկայացնել անձնագիրը, սոցիալական քարտը, մեքենայի տեխնիկական անձնագիրը, ավտոմեքենայի սեփականության վկայականը և հաշիվ-տեղեկանք ՌԵՍՈ ընկերությունից: Վարկի մարումը կատարվում է ամենամսյա հավասարաչափ վճարումներով: Վարկի վաղաժամկետ մարում թույլատրվում է առանց սահմանափակումների:
U- ԿԱՍԿՈ + վարկը ձևակերպած բոլոր հաճախորդներին «Յունիբանկը» որպես նվեր տրամադրում է ArCa Classic UNIBANK-RESO կոբրենդինգային քարտ, հաջորդ տարում վարկային գիծ բացելու և բանկի արտոնությունների ծրագրին մասնակցելու համար:
Հիշեցնենք, որ «Յունիբանկում» կարելի է ձևակերպել նաև U-Insurance վարկային քարտը` ՌԵՍՈ ընկերությունում գույքի ապահովագրման համար:
