Ավստրալիան երբեք չի կարող մեծ պետություն դառնալ, քանի դեռ պետության ղեկավարը օտարերկրացի է, իսկ երկրի դրոշի վրա պատկերված է այլ երկրի դրոշ: Այսպիսի հայտարարությամբ հանդես է եկել Ավստրալիայի նախկին վարչապետ և Լեյբորիստական կուսակցության ղեկավար Փոլ Քիթինգը:
Նրա կարծիքով՝ Ավստրալիան պետք է վճռական քայլ կատարի և դառնա հանրապետություն, այլ ոչ թե սպասի մինչև Էլիզաբեթ թագուհին մահանա կամ հեռանա գահից:
Նա ընդունել է, որ թագուհին՝ իր գթասրտության համար վայելում է ավստրալացիների մեծ սերը:
«Խնդիրը կայանում է նրանում, որ Ավստրալիան կարող է դառնալ մեծ երկիր միայն այն ժամանակ, երբ պետության ղեկավար հռչակի սեփական քաղաքացիներից»,- նշել է Քիթինգը Sky News-ին տված հարցազրույցում` ավելացնելով, որ իրենք կարող են բավարարվել առանց բրիտանական դրոշի, որը պատկերված երկրի դրոշի ձախ անկյունում, քանի որ մեծ պետությունները այդպես չեն վարվում:
Քիթինգը հայտարարել է, որ ներկայիս վարչապետ Ջուլյա Գիլարդը և նրա նախորդները` Քևին Ռուդը, Ջոն Հովարդը և Բոբ Հուքը, գտնում էին, որ Ավստրալիան չպետք է հանրապետություն դառնա Էլիզաբեթ Երկրորդի կենդանության օրոք:
