Bloomberg գործակալությունը հայտնում է, որ իր տրամադրության տակ ունի Открытие ներդրումային ընկերության որոշ վերլուծական գրառումներ: Դրանցում նկարագրվում է այն սցենարը, որով Ռուսաստանի նախագահ Դմիտրի Մեդվեդևը կարող է հրաժարական տալ մինչև Նոր տարի:
Գործակալությունը հայտնում է, որ իրադարձությունների նման զարգացման դեպքում Պուտինը հնարավորություն կստանա, մնալով իշխանության գլուխ, մասնակցել նախագահական ընտրություններին: Փորձագետները նշում են, որ օրենքով երկրի վարչապետը ընտրությունների ժամանակ պետք է վայր դնի լիազորությունները, եթե առաջադրված է որպես նախագահի թեկնածու:
Այս տեղեկությունն առայժմ պաշտոնապես չի մեկնաբանվել ոչ Կրեմլի ոչ Սպիտակ տան կողմից: Ավելի վաղ Bloomberg գործակալությանը տված հարցազրույցում Ռուսաստանի կառավարության ղեկավարի մամուլի քարտուղարը նշել էր, որ Պուտինն օրենքով իրավունք ունի շարունակել աշխատանքը որպես վարչապետ՝ միաժամանակ լինելով նախագահի թեկնածու:
Տեղեկատվական դաշտում այսպիսի լուրեր արդեն մի քանի անգամ տարածվել են: Այժմ, ըստ վերոհիշյալ փաստաթղթի, տանդեմը որոշել է նման քայլի դիմել աճող բողոքի ցույցերի ճնշման տակ:
