Թուրքական Sabah թերթի փոխանցմամբ՝ Սիրիան իր միջին հեռահարության հրթիռների վրա տեղակայել է զանգվածային ոչնչացման քիմիական զենքի մարտագլխիկներ։ Այդ նպատակով գործածվել է 600 տոննա քիմիական զենք։
Նշվում է, որ այդ ամենն արվել է հնարավոր արտաքին ռազմական միջամտության ետմղման համար։ Սիրիայի նախագահ Բաշար Ալ-Ասադի հրամանով քիմիական մարտագլխիկներով հագեցած 21 սիրիական հրթիռային արձակման սարքեր տեղակայվել են թուրքական սահմանի երկյայնքով։
Այդ հրթիռների հեռահարությունը կազմում է 1300 կիլոմետր, ինչի շնորհիվ դրանք «ծածկում» են Թուրքիայի տարածքի զգալի մասը։
Հիշեցնենք, որ երեկ սիրիական կողմը կանխել էր Թուրքիայից 15 զինված գրոհայինների ներխուժման փորձը։
