«Հին Էրիվան» հոլդինգի գույքի և ֆինանսական միջոցների վրա դրված կալանքի պատճառով այս ընկերությունը հայտնվել է լուրջ խնդիրների առաջ:
«Հին Էրիվան»-ի սեփականատեր Մանվել Տեր-Առաքելյանը «Ժողովուրդ»-ի հետ զրույցում ասել է, որ ընկերության միջոցների վրա դրված կալանքի պատճառով ինքը չի կարող ո՛չ վճարել աշխատողների աշխատավարձերը, ո՛չ ՀՀ պետական բյուջե մուծել հարկեր, ո՛չ էլ վճարել կոմունալ ծառայությունների դիմաց: «Ինչո՞ւ պետք է երկու տնտեսվարող ընկերությունների միջև վիճաբանության արդյունքում տուժի պետական բյուջեն, ինչո՞ւ առաջնային պարտականությունը պետական բյուջեի հանդեպ կատարել,- ասել է Տեր-Առաքելյանը` հավելելով,- տարրական տրամաբանությունը հուշում է, որ ընկերությանը տանում են դեպի սնանկություն, որպեսզի խլեն «Հին Էրիվան»-ի շենքը:
Այլ կերպ չի կարելի մեկնաբանել կատարվածը: Ես ասել եմ` գումարը մի ժամվա մեջ կարող եմ մուծել, կան մարդիկ, որ պատրաստ են վերաֆինանսավորել մեզ: Բայց դա կանեմ այն բանից հետո, երբ «Յունիբանկ»-ը ներողություն խնդրի և չեղյալ համարի մեզ ժամկետանց ճանաչելու որոշումը»: