Նոր հետազոտության տվյալները ցույց են տալիս, որ Իրանի միջուկային զենք ստեղծելու ծրագրի հավանական գոյության պայմաններում իսրայելցիների մեծ մասը կողմ է միջուկային զենքից ազատ Մերձավոր Արևելքի գոտի ստեղծելու գաղափարին:
Digital Journal-ը գրում է, որ Մերիլենդի համալսարանի հետազոտությունն անցկացվել է Anwar Sadat ամբիոնի և Միջազգային քաղաքական դիրքերի վերաբերյալ ծրագրի (PIPA) միասնական ջանքերով:
PIPA-ն Մերիլենդի համալսարանի Միջազգային քաղաքական դիրքերի և Միջազգային անվտանգության հետազոտությունների կենտրոնների միացյալ ծրագիրն է:
Հարցումների արդյունքները ցույց են տվել, որ Իսրայելի հրեաների 64 տոկոսը կողմ է Մերձավոր Արևելքում միջուկային զենքից ազատ գոտի ստեղծելու ծրագրին անգամ այն դեպքում, երբ դա նշանակում է, որ և Իսրայելը և թե Իրանը պետք է հրաժարվեն միջուկային զենք ստեղծելու ծրագրերից: Հարցման մասնակիցների 43 տոկոսից էլ քիչ իսրայելցիները կողմ են Իրանի միջուկային սարքավորումների վրա հարձակմանը: Հարցումները նաև ցույց են տվել, որ մասնակիցների գրեթե 90 տոկոսը հավատում է, որ Իրանը միջուկային զենք, այնուամենայնիվ, ձեռք կբերի:
