Իրանական IRNA լրատվական գործակալության փոխանցմամբ՝ պաշտոնական Թեհրանը Բահրեյնից պարզաբանում է պահանջել Իրանի կողմից ահաբեկչությանը սատարելու վերաբերյալ նրա արած հայտարարության համար։
Թեհրանում Բահրեյնի ժամանակավոր պաշտոնակատարը հրավիրվել է Իրանի ԱԳՆ՝ բահրեյնցի մի շարք պաշտոնատար անձանց նմանատիպ հայտարարությունների համար պարզաբանում տալու համար։
Հիշեցնենք, որ օրեր առաջ Իրանի փոխարտգործնախարար Հուսեին Ամիր Աբդոլահիանը հերքել էր Բահրեյնի իշխանությունների այն մեղադրանքը, թե Իրանն ահաբեկչական ակցիաներ է նախապատրաստում այդ պետության տարածքում.
«Մանամայի դիրքորոշումն ապակառուցողական է և ձեռնտու է տարածաշրջանի թշնամիներին։ Բահրենյան այդօրինակ անհիմն մեղադրանքները մշակել է ԱՄՆ-ը։ Իրանատյացության քաղաքականության շարունակությունն արդյունավետ չէ, ուժային ճնշման աճը չի հանգեցնելու հարցի լուծմանը»։
