Ճապոնիայի մայրաքաղաքի 634 մետր բարձրությամբ Tokyo Sky Tree նոր հեռուստաաշտարակը պաշտոնապես գրանցվել է Գինեսի ռեկորդների գրքում՝ որպես «աշխարհի ամենաբարձր աշտարակ»: Ինչպես հաղորդում է ИТАР-ТАСС-ը, համապատախան փաստաթուղթը հանձնվել է հեռուստաաշտարակի օպերատոր Tobu Tower Sky Tree Co ընկերության նախագահ Միտիակի Սուձուկիին:
«Աշտարակի կառուցման նպատակներից մեկը եղել ամբողջ աշխարհին ցույց տալ ճապոնական մշակույթի և տեխնոլոգիաների նվաճումները»,- ասել է Սուձուկին:
Տոկիոյի հյուսիս-արևելքում` Սումիդա թաղամասում կառուցված աշտարակը պաշտոնապես այցելուների համար կբացվի հաջորդ տարվա մայիսին: Այն իր բարձրությամբ գրեթե երկու անգամ գերազանցում է 1959 թ. կառուցված Tokyo Tower-ին (333 մետր):
Գինեսի ռեկորդների գրքում, որպես աշխարհի ամենաբարձր շինություն, գրանցված է Դուբայում գտնվող 828 մետր բարձրությամբ «Բուրջ խալիֆ» երկնաքերը: