Ադրբեջանական Salam News գործակալությանը տված հարցազրույցի ժամանակ Ադրբեջանում Գերմանիայի դեսպան Հերբերտ Քվելեն անդրադարձել է Ղարաբաղյան հակամարտության կարգավորմանը.
«Այս հակամարտությունն առնչվում է երկու իրարամերժ իրավական սկզբունքներին՝ տարածքային ամբողջականության անխախտություն և ինքնորոշման իրավունք։ Ցավալի է, որ ԵԱՀԿ Մինսկի խմբի միջնորդած բանակցությունները չարդարացրին ակնկալիքները։
Ես հասկանում եմ աճող անհամբերությունը։ Սակայն հասկանալի է նաև, որ նոր պատերազմը հակամարտության կարգավորման ուղի չէ։ Դրա համար էլ ես դրականորեն եմ մոտենում բանակցությունների շարունակմանը։
Մենք՝ գերմանացիներս, 40 տարի սպասել ենք Գերմանիայի միավորմանը։ Այդ գործընթացը մեկնարկել է 1970-ական թվականներին՝ Հելսինկյան գործընթացով։ Գերմանիայի պատմությունից ես դաս եմ քաղել, որ պետք է համբերատար գտնվել»։
