Շվեդիայի Լապլանդիա քաղաքի հանրահայտ սառցե հյուրանոցի` Յուկասյարվի մոտ (Jukkasjaervi) հնարավոր է, որ կայտնվի սառցե մզկիթ: Այդ մասին հայտնում է Norrlaendska Socialdemokraten շվեդական թերթը:
Հյուրանոցի գործադիր տնօրենի խոսքերով` մզկիթը զբոսաշրջիկներին կներկայացվի 2013 թվականի ձմռանը: Մինչ այդ հյուրանոցի կողքը կառուցել էին միայն սառցե եկեղեցի: Հրատարակության հաղորդմամբ` ամեն տարի այստեղ 150 զույգ է պսակադրվում:
Ինչպես պարզաբանել է տնօրենը` իր հյուրանոցի դռները բաց են աշխարհի տարբեր ծագերից եկած զբոսաշրջիկների համար, և ինքը հույս ունի, որ մզկիթի առկայությունը նոր այցելուների ուշադրությունը կգրավի:
2006 թվականի տվյալներով՝ Շվեդիայի 10 միլիոնանոց բնակչության 500 000-ը իսլամ է դավանում: 25 000-ը պարբերաբար այցելում է մզկիթ և օրը 5 անգամ աղոթում:
Հիշեցնենք, որ Յուկասյարվի հյուրանոցը կառուցվել է 1989 թվականին, իսկ 1992 թվականին ընդունել է իր առաջին այցելուներին: Այն զբաղեցնում է 5500 ք/մ տարածք և հյուրերին ընդունում է դեկտեմբերից ապրիլն ընկած ժամանակահատվածում:
