ԱՄՆ հետաքննությունների դաշնային բյուրոյի մասնագետները ուսումնասիրում են փոշի պարունակող կասկածելի մի փաթեթ, որը գտնվել է ԱՄՆ փոխնախագահ Ջոզեֆ Բայդենի եղբոր տան մոտ: Ինչպես հաղորդում է РИА Новости-ն, այս կապակցությամբ ձերբակալվել է երկու մարդ:
Բայդենի տան մոտ ժամանել են հրշեջներ, ոստիկաններ, պայթուցիկ և այլ վտանգավոր նյութերի մասնագետներ, որոնց հաջողվել է պարզել, որ փաթեթը պայթյունավտանգ չէ: Դրանից հետո միայն այն տարել են հետաքննությունների դաշնային բյուրոյի լաբորատորիա՝ փորձաքննության ենթարկելու համար:
«Նախնական արդյունքները ցույց տվեցին, որ փաթեթի պարունակությունն իրենից վտանգ չի ներկայացնում»,-ասվում է հետաքննությունների դաշնային բյուրոյի հայտարարության մեջ: