Տրանսսեքսուալների հասարակական կազմակերպությունները կոչ են արել թույլատրել ծառայելու ոչ միայն միասեռականներին, այլև իրենց` չթաքցնելով իրենց սեռական կողմնորոշումը: Այս կոչը հնչել է այն բանից հետո, երբ բանակում ծառայելու և իրենց սեռական կողմնորոշումը չթաքցնելու իրավունք էին ստացել միասեռականները:
Նման իրավունք պահանջում են նաև տրանսվեստիտները, որոնք սիրում են կրել հակառակ սեռի զգեստներ, գենդերքվիրները, որոնք կարծում են, որ, բացի արական և իգական սեռից, կարող են լինել նաև սեռի այլ տեսակներ, ինտերսեքսուալները, որոնց մոտ առկա են երկու սեռին բնորոշ նշաններ և այլք: Այս մասին հաղորդում է The Washington Post-ը:
Կազմակերպությունները նշել են, որ աշխարհում արդեն կա 10 երկիր, որտեղ տրանսեքսուալներին թույլատրվում է ծառայել բանակում` Ավստրալիա, Բելգիա, Մեծ Բրիտանիա, Իսրայել, Իսպանիա, Կանադա, Նիդերլանդներ, Թաիլանդ, Չեխիա և Շվեդիա: Օբամային կոչ է արվել հետևել Տրումենի քայլին, որը ժամանակին արգելել էր բանակ զորակոչել ռասայական պատկանելությամբ: