Այսօր ԵԱՀԿ հայաստանյան գրասենյակի մոտ հավաքված` Մարտի 1-ի 10 զոհերի ծնողները բողոք են հայտնում օրեր առաջ ԵԽԽՎ-ի ընդունած բանաձևի նախագծի դեմ: Ծնողները բողոքի նամակ են պատրաստել` ԵԱՀԿ հայաստանյան գրասենյակի նախագահ Սիլվիա Զեհենին հանձնելու համար: «Համազեկուցողներն ասացին, որ Մարտի 1-ի 10 սպանությունների չբացահայտումը թունավորում է ՀՀ քաղաքական կյանքը, իսկ Համարբերգը իր զեկույցում նշել էր, որ կիրառվել է ոչ համաչափ ուժ»,- նշեց Տիգրան Խաչատրյանի մայր Ալլա Հովհաննիսյանը` այս նախագծի որոշումը հակասություն համարելով նախկինում ԵԽԽՎ-ի հայտարարություններին:
ԵԱՀԿ հայաստանյան գրասենյակի նախագահ Սիլվիա Զեհենը նամակն ընդունելու համար իր մոտ է հրավիրել հավաքված ծնողներից միայն չորսին: Ինչպես տեղեկացրեց Ալլա Հովհաննիսյանը, իրենք նամակով պահանջում են բացատրել այն հիմքերը, որոնք ԵԽԽՎ-ին թույլ են տվել նման նախագիծ կազմել, ըստ որի` փակում են Մարտի 1-ի էջը:
Հիշեցնենք, որ օրեր առաջ ԵԽԽՎ-ի մոնիտորինգային կոմիտեն բանաձևի նախագիծ էր ընդունել, որում ասվում է, որ, հաշվի առնելով Հայաստանի ներկայիս ժողովրդավարական դրությունը, կարելի է Մարտի 1-ի գործերը փակված համարել:
Հոկտեմբերի 3-7-ը Ստրասբուրգում այս բանաձևի նախագիծը պետք է քննարկվի և դրվի հաստատան:
