Հնդկաստանում ջրհեղեղը, որը հետևանք է վերջին օրերին տեղացող մուսոնային անձրևների, դարձել է առնվազն 20 մարդու մահվան պատճառ:Ջրհեղեղներից առավել տուժել է հնդկական արևելյան Օրիսա նահանգը: Այս մասին հայտնում է IANS գործակալությունը` հղում անելով պաշտոնական աղբյուրներին:
Ջրհեղեղների դեմ պայքարի վարչության տվյալներով` աղետի գոտում է հայտնվել ավելի քան 2մլն մարդ, ջրի տակ է մնացել ավելի քան 3.5 հազար գյուղ, մոտավորապես 24.5 հազար տուն ավերվել է: Ջրհեղեղների դեմ պայքարի շտաբը փրկարարական օպերացիայի համար գործարկել է ավելի քան հազար նավակ: Այս մասին հայտնում է տեղի մամուլը:
Ուղղաթիռները սննդամթերքով լի պարկեր են տեղափոխում աղետի գոտի:
