Փաշինյանը իրավունք չունի խուճապ մտցնել, պետք է մտածի այն կանխելու մասին: «Առաջին լրատվական»-ի հետ զրույցում նշեց Հրաչյա Արզումանյանը:
Արզումանյանը շեշտեց, որ չի կարելի Արցախի սպառնալիքները ձևավորել իզոլացված Հայաստանի Հանրապետությունից. « Արցախի պրոցեսները ազդելու են Հայաստանի վրա: Այսօրվա վիճակը ստեղծվում է Փաշինյանի ձեռքերով` գործունեությամբ ու անգործությամբ: Հայաստանը պետք է գիտակցի` Արցախի հարցը միայն հումանիտար չէ, աշխարհաքաղաքական է:Արցախի հարցը կապված է Հայաստանի պետականության ապագայի հետ: Արցախի խնդրի քաղաքական բաղադրիչից հետ կանգնելը վտանգավոր է, պետք է հրաժարվել այդ մոտեցումից: Մեր ոչ ադեկվատ քաղաքականությունը պրովակացիա է դառնում ագրեսորի համար: Այն, ինչ տեղի է ունենում Ստեփանակերտում, հետո կազմակերպվելու է Երևանում, եթե ուշքի չգան: Երևան-Ստեփանակերտ համագործակցությունը պետք է վերականգնել»:
