Հռոմի պապ Ֆրանցիսկոսն արձագանքում է Վրաստանում և Սլովենիայում տեղի ունեցած բնական աղետներին:
Նրա խոսքով՝ ինքը աղոթում է զոհերի համար եւ շնորհակալություն հայտնում այն մարդկանց, ովքեր օգնել են տուժածներին։
«Վերջին օրերին Սլովենիայում և Վրաստանում բնական դրամատիկ իրադարձություն է տեղի ունեցել, որը մահվան և նյութական վնասների պատճառ է դարձել։ Աղոթում եմ զոհերի համար, իմ հոգևոր մտերմությունն եմ հայտնում նրանց ընտանիքներին և նրանց, ովքեր այժմ պայքարում են աղետի հետևանքների դեմ։ Շնորհակալ եմ նրանց, ովքեր օգնել են տուժածներին, հատկապես կամավորներին»,- ասել է Հռոմի պապը։
Հիշեցնենք, օգոստոսի 3-ին Վրաստանի Շովի հանգստավայրում սողանք է տեղի ունեցել։ Այս պահին առկա տվյալների համաձայն՝ զոհվել է 20 մարդ, եւս մի քանի հոգու փնտրում են աղետի գոտում։ Սլովենիայում հորդառատ անձրեւը հեղեղումների պատճառ է դարձել հուլիսի 4-ին։ Անձրևից հետո հանրապետության որոշ հատվածներում սողանքներ են տեղի ունեցել։ Վերջին տվյալներով՝ աղետի հետևանքով զոհվել է առնվազն վեց մարդ։ Նախնական տվյալներով՝ վնասի չափը կգերազանցի 500 մլն եվրոն։
