Իսպանիայի առաջնության 3-րդ տուրում Մադրիդի «Ռեալ»-ը 4:2 հաշվով պարտության մատնեց «Խետաֆե»-ին և վաստակած 6 միավորով գլխավորեց մրցաշարային աղյուսակը:
Հանդիպման 14-րդ րոպեին հաշիվը բացեց Բենզեման: Ընդմիջումից 6 րոպե առաջ Միկուին հաջողվեց հավասարեցնել այն: 59-րդ րոպեին մրցավարը կասկածելի 11-մետրանոց նշանակեց հյուրերի դարպասին, որն անվրեպ իրացրեց Ռոնալդուն: 10 րոպե անց Բենզեման հաշիվը դարձրեց 3:1: 74-րդ րոպեին Միկուն կրճատեց այն, իսկ 89-րդ րոպեին 2 րոպե խաղադաշտում անցկացրած Իգուաինը դրեց հանդիպման վերջակետը:
«Արքայական» ակումբին միավորներով կարող են հավասարվել «Վալենսիա»-ն, «Մալյորկա»-ն և «Բետիս»-ը, որոնք դեռ չեն անցկացրեել 3-րդ տուրի հանդիպումները:
Հիշեցնենք, որ «Բարսելոնա»-ն այս տուրում ոչ-ոքի` 2:2 հաշվով ավարտեց հանդիպումը «Ռեալ Սոսյեդադ»-ի հետ:
