Մեր ժողովուրդը սովորել է, որ իրեն խաբում են, բայց հիմա տեսնում ենք, որ վարչապետը չի խաբում, ինչ որ կա՝ ասում է. 30 տարի խաբել են, բանակցությունները վարել են, չեն վարել, Արցախի մասով ճիշտը չեն ասել: Այս մասին «Առաջին լրատվական»-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը:
«Եթե այն ժամանակ Արցախի հարցը լուծեին, մենք հաղթանակած պետություն էինք, կարելի էր այն ժամանակ ամեն ինչ անել և Արցախի հարցը լուծել: Բայց չլուծվեց, փաստորեն; Դրանից հետո խաբեցին, գնացին Մադրիդ, եկան ասեցին՝ ամեն ինչ նորմալ է, գնացին Քի Վեսթ, եկան ասեցին՝ ամեն ինչ նորմալ է, բայց ոչ մի բան չարվեց: Բոլոր տեղերում ընդունել էին, որ Ղարաբաղը Ադրբեջանի մաս է և հիմա, որ Փաշինյանն ասում է, որ Ադրբեջանի 86 600 քառակուսի կմ-ի մեջ նաև մեր անկլավներն են և Արցախն է մտնում, բոլորը վատացել են: Ամեն մեկը սկսել է հայտարարություններ անել, խուճապ է մտել մեջները, որովհետև միանգամից որ ասում ես, վատանում են»,-ասաց նա:
