Грузия Online-ի փոխանցմամբ՝ Վրաստանի Օմալո լեռնային գյուղում ծեծի են ենթարկել Գերմանիայից ժամանած երկու միասեռականների։
Ոչ ավանդական սեռական կողմնորոշում ունեցող գերմանացիները հրավիրվել են վրացական ճաշկերույթի։ Գտնվելով ոգելից խմիչքի ազդեցության տակ՝ նրանք չեն կարողացել թաքցնել իրենց սեռական կողմնորոշումը և գյուղացիների ներկայությամբ համբուրվել են։ Տեսնելով դա՝ տանտերերը բավական զայրացել են և որոշել են պատժել իրենց ճաշկերույթը «հարամած» հյուրերին։
Սկզբում գերմանացի զբոսաշրջիկներին ծեծել են, ապա կապել նրանց ձեռքերը և նետել գետը։ Օմալոյի մյուս գյուղացիները, սակայն, խղճացել են հյուրերին և նրանց դուրս բերել գետից։ Դրանից հետո գերմանացի զբոսաշրջիկները նախընտրել են արագորեն լքել Վրաստանը՝ չբողոքելով ո՛չ տեղի ոստիկանությանը, ո՛չ էլ իշխանական ներկայացուցիչներին։
