Եգիպտոսի նախագահի այցը ուշացած է, դեռ պատերազմից առաջ կար ձեռքբերումներ ու պայմանավորվածություններ: «Առաջին լրատվական»-ի հետ զրույցում նշեց արաբագետ Հայկ Քոչարյանը:
Նրա խոսքով՝ նախկին պայմանավորվածության համաձայն պետք է լիներ Եգիպտոսի նախագահի ոչ թե ռեգիոնալ, այլ հայաստանյան այց․ «Եգիպտոսը երկու հարց է լուծում․ ներդրումների կարիք ունի, իսկ Հնդկաստանը կարող է նման պարտնյոր լինել»:
Ըստ արաբագետի՝Եգիպտոսը Հայաստանի համար պատմականորեն լավ գործընկեր է եղել, բայց օրակարգը պետք է արդի պահել․ «Եգիպտոսի հետ հարաբերությունները չպետք է մնան զգացմունքային մակարդակում: Անվտանգության նոր ճարտարեպտության մեջ Եգիպտոսը իր դերն է փնտրում, որտեղ Հնդկաստանը կարևոր դերակատար է լինելու: Եգիպտոսի հետ տնտեսական շահերով պետք է առաջնորդվել ու աշխատել․ դեռ հայտնի չէ Ադրբեջանում ինչեր կհայտարարվի: Եգիպտոսի տնտեսության մեջ պետք է մասնակցություն ունենալ որոշակի ներդրումներով»: