ԻԻՀ գյուղատնտեսության նախարար Սադեղ Խալիլիանի հրավերով սեպտեմբերի 3-5-ը Իրանում կգտնվի ՀՀ գյուղատնտեսության նախարար Սերգո Կարապետյանի գլխավորած պատվիրակությունը:
Այցի ընթացքում երկու եկրների նախարարները կքննարկեն գյուղատնտեսության բնագավառում երկկողմ համագործակցության հետագա հարցեր: Մասնավորապես, ուշադրության կենտրոնում կլինեն համագործակության հնարավորությունները երկրագործության, անասնապահության, բուսաբուծության ոլորտներում: Հանդիպման ընթացքում կստորագրվի ՀՀ և ԻԻՀ գյուղատնտեսության նախարարությունների միջև համագործակցության մասին փոխըմբռնման հուշագիր:
Նախատեսված է ՀՀ գյուղատնտեսության նախարարի գլխավորած պավիրակության այցը Քարաջի գյուղատնտեսական բիոտեխնոլոգիական ձեռնարկություն, տնկարան և ջերմոցային տնտեսություն: ԻԻՀ Ղոմ նահանգ կատարելիք ացի ընթացքում Սերգո Կարապետյանը կլինի գյուղանտեսական ձեռնակություններում և գիտահետազոտական հաստատություններում: Նախատեսվում է նաև այցելություն Արևելյան Ատրպատական նահանգ, որտեղ նախարարը կհանդիպի նահանգապետ Ալի Ռեզա Բեյգիի հետ: Պատվիրակության անդամները կայցելեն Թավրիզի տրակտորաշինական գործարան և նահանգի այլ գյուղատնտեսական ձեռնարկություններ: Հայաստանում գյուղատնտեսության ոլորտում ներդրումներ կատարելու նպատակով` Սերգո Կարապետյանը կհանդիպի Իրանի գյուղատնտեսության բնագավառի գործարար ներկայացուցիչների հետ:
«Արարատ» ակումբում գյուղատնտեսության նախարարը կհանդիպի հայ համայնքի ներկայացուցիչների հետ:
ԻԻՀ կատարելիք այցելությունից հետո Սերգո Կարապետյանի գլխավորած պատվիրակությունը կլինի Մեղրիի տարածաշրջանում, որտեղ կհետևի գյուղանտեսական աշխատանքներին ու Մեղրիի պահածոների գործարանի վերաբացման ընթացքին:
