Իրանի ազգային հավաքականին չհաջողվեց հաղթել ԱՄՆ-ին և պատմության մեջ առաջին անգամ դուրս գալ աշխարհի առաջնության փլեյ-օֆֆ։ Խմբային փուլի վերջին՝ երրորդ տուրում ամերիկացիները Պուլիշիչի խփած գոլի շնորհիվ հաղթեցին 1։0 հաշվով։ Այս հանդիպումը ոչ միայն ֆուտբոլային աշխարհի ուշադրության կենտրոնում էր և թվում էր թե ականատեսը կլինենք դիտարժան՝ թեժ պայքարի, բայց․․․։ Երկրորդ տուրում Իրանի հավաքականը ցուցադրելով որակյալ ֆուտբոլ 2։0 հաշվով առավելության էր հասել Ուելսի նկատմամբ։ Այս մրցավեճում իրանցի ֆուտբոլիստերը 3 միավոր էին վաստակել դրսևորելով երկաթյա կամք։ Երեկվա խաղում խաղադաշտում տեսանք միանգամայն այլ Իրանի հավաքականի։ Հարևան երկրի ֆուտբոլիստները մի տեսակ զգուշավոր և թույլ ֆուտբոլ ցուցադրեցին։ ԱՄՆ-ի ազգային թիմը պրագմատիկ և տակտիկապես գրագետ խաղով կոտրեցին մրցակցի դիմադրությունը։ Իրանի թույլ խաղը կարող է թերևս մեկ բացատրություն ունենալ։ Իրանցի ֆուտբոլիստները չդիացան ճնշմանը, որը քաղաքական երանգավորում ուներ։ Ամերիկացիներն ապացուցեցին, որ նաև սպորտային հարթակում շատ ավելի պրոֆեսիոնալ և գրագետ են։
Ի դեպ, խաղից առաջ ԱՄՆ-ի նախագահ Ջո Բայդենը հեռախոսազրույց է ունեցել հավաքականի գլխավոր մարզիչ Գրեգ Բերհալտերի և ֆուտբոլիստների հետ։ Խաղից հետո Բայդենը շնորհավորել է ԱՄՆ-ի հավաքականին աշխարհի առաջնության փլեյ-օֆֆ դուրս գալու կապակցությամբ։ «Երբ ես խոսում էի մարզչի և խաղացողների հետ, ասացի. «Դուք կարող եք դա անել»: Նրանք դա արեցին»,- ասել է Բայդենը։ Հատկանշական է, որ ԱՄՆ-ի պես պետությունը նախագահի մակարդակով է մոտեցել սկզբունքային մրցավեճին։ «Հանդիպման առաջին կեսում մենք ցույց տվեցինք, թե ինչի ենք ունակ ֆուտբոլային առումով։ Երկրորդում կեսում արդեն ի ցույց դրեցինք հաղթելու մեր վճռականությունը։ Ես հպարտ եմ մեր թիմով։ ԱՄՆ-ի ազգային հավաքականի տղաները խաղադաշտում տվեցին իրենց առավելագույնը։ Փաստ է, որ մենք անպարտելի դուրս ենք գալիս հաջորդ փուլ։ Հատուկ շնորհակալություն եմ հայտնում Պուլիշիչին, որը գոլ խփեց վնասվածքի գնով։ Երբ քո թիմի լավագույն խաղացողներից մեկն այդքան քրտնաջան աշխատանք է կատարում, դա հիանալի զգացողություն է։ Այս պահին նրա վնասվածքի մասին ոչ մի դրական բան չեմ կարող ասել։ Փորձեմ նկարագրել նաև խաղի վերջիամասն ու իմ հույզերը:
Այո, այս աշխարհի առաջնությունում փոխհատուցվող րոպեները շատ են։ Այս րոպեներին հաշվում ենք ամեն վայրկյան, և սա շատ լարված, սթրեսային իրավիճակ է։ Կարծում եմ, հիմա ես ավելի քիչ մազեր ունեմ իմ գլխին: Եվ հիմա ժամանակն է առաջ գնալ՝ պատրաստվել Նիդերլանդների հետ խաղին», Իրանի դեմ հանդիպումից հետո ասել է ԱՄՆ-ի ազգային հավաքականի գլխավոր մարզիչը։ Հիշեցնենք B խմբում ընդգրված ԱՄՆ-ի հավաքականն աշխարհի առաջնության մեկնարկային խաղում ոչ-ոքի 1։1 էր խաղացել Ուելսի հետ, իսկ երկրորդ տուրում Անգլայի դեմ մրցավեճն ավարտել 0։0 հաշվով։ Այո, ամերիկացիները խմբային փուլի արգելքը հաղթահարեցին առանց պարտության, ինչն այս հավաքականի համար բավական բարձր արդյունք է։ B ենթախմբում հաղթող ճանաչվեց Անգլիայի ազգային թիմը, որը երեկ 3։0 հաշվով առավելության հասավ Ուելսի նկատմամբ։ 1/8-րդ եզրափակչում ԱՄՆ-ի հավաքականը մրցելու է А խմբում առաջին հորիզոնականը զբաղեցրած Նիդեռլանդների հետ։ Վերջինս երեկ 2։0 հաշվով առավելության հասավ մրցաշարի կազմակերպիչ Կատարի ազգային թիմի նկատմամբ։ Ավելի վաղ հոլանդացիենրը 1։1 էին խաղացել Էկվադորի հետ և 2։0 հաշվով հաղթել Սենեգալին։
Վերջինս երրորդ տուրում լարված պայքարում 2։1 հաշվով հաղթեց Էկվադորին և խմբում զբաղեցրեց երկրորդ հորիզոնականը։ 1/8-րդ եզրափակչում Սենեգալը կմրցի Անգլիայի հետ։ Նիդեռլանդեր-ԱՄՆ հանդիպումը տեղի կունենա դեկտեմբերի 3-ին։ Անգլայի և Սենեգալի միջև մրցավեճն էլ կայանա մեկ օր անց։ Այսօր տեղի կունենա 3-րդ տուրի հանդիպումները C և D ենթախմբերում։
