Грузия Online-ի փոխանցմամբ՝ Վրաստանի նախկին նախագահ Էդուարդ Շևարդնաձեն «Ասավալ-Դասավալի» օրաթերթին տված հարցազրույցի ժամանակ «լիակատար անհեթեթություն» է որակել շրջանառվող այն տեղեկատվությունը, թե հայկական լոբբիի հետ գաղտնի համաձայնության մեջ մտնելու արդյունքում է 2003 թվականին իշխանությունը հանձնել Միխեիլ Սաակաշվիլիին։
Դրա հետ մեկտեղ, այսօր Վրաստանի հանգստավայրերը հեղեղված են թուրքերով ու հայերով. «Դժբախտաբար, այսօր մեր պետությունը տեր չունի, և սատանաները զավթել կամ գրեթե զավթել են որբ մնացած եկեղեցին»։
Շևարդնաձեն նաև հայտարարել է, որ չի կարող հաստատել, թե Միխեիլ Սաակաշվիլիին հովանավորում է հայկական լոբբին. «Ես կարող եմ միայն մեկ բան ասել, որ Հայաստանի ու Ադրբեջանի հետ իմ համագործակցությունը հիմնված է եղել իրական բարեկամության ու բարիդրացիական հարաբերությունների վրա, և որ Հեյդար Ալիևն ու Կարեն Դեմիրճյանը եղել են իմ անձնական ընկերները»։
Հիշեցնենք, որ Վրաստանի 2-րդ նախագահ Էդուարդ Շևարդնաձեն այդ պաշտոնում պաշտոնավարել է 26.11.1995 – 22.11.2003 ժամանակահատվածում։
