Հայաստանի ազգային հավաքականի գլխավոր մարզիչ Խոակին Կապառոսը երեկ հրապարակեց է այն ֆուտբոլիստների ցուցակը, ովքեր կնախապատրաստվեն աշխարհի 2022 թվականի առաջնության որակավորման փուլի՝ նոյեմբերի 11-ին և 14-ին Երևանում կայանալիք Հայաստան-Հյուսիսային Մակեդոնիա և Հայաստան-Գերմանիա հանդիպումներին:Առաջին անգամ հավաքական է հրավիրվել «Ուրարտուի» կիսապաշտպան Նարեկ Գրիգորյանը, իսկ «Արարատի» պաշտպան Հրայր Մկոյանը չի հրավիրվել վնասվածքի պատճառով: Ընդհանուր առմամբ, հավաքական են հրավիրվել 27 ֆուտբոլիստներ։ Կրկին հավաքական է հրավիրվել «Ժիլինայի» կիսապաշտպան Վահան Բիչախչյանը։ Վերջինս տեղ չէր գտել հոկտեմբերին տեղի ունեցած Իսլանդիայի և Ռումինիայի դեմ հանդիպումներին հայտացուցակում։ Հավաքական են վերադարձել նաև պաշտպաններ Հովհաննես Համբարձումյանն ու Անդրե Չալըշըրը, որոնք նախորդ երկու հանդիպումները բաց էին թողել վնասվածքի պատճառով։
Տևական դադարից հետո հավաքականի հայտացուցակում է արգենտինական «Բոկա Խունյորսի» հարձակվող Նորբերտո Բրիասկո Բալեկյանը։ Վերջինս մասնակցել էր ընտրական այս շրջափուլի մեկնարկային երեք հաղթական հանդիպումներին։ Կորոնավիրուսի համավարակի սահմանափակումների պատճառով սակայն Բալեկյանը բաց էր թողել վերջին 5 հանդիպումները։ Հանդիպումներ, որոնք մեր հավաքականն ըստ էության անցկացրեց առանց նոմինալ կենտրոնական հարձակվողի։ Սա կարելի է համարել այդ հանդիպումներում չհաղթելու հիմնական պատճառներից մեկը։ Մեզ հասած տեղեկությունների համաձայն եթե Բալեկյանը նախորդ հանդիպումներին միանար հավաքականին ապա Արգենտինա վերադառնալուն պես պետք է երկու շաբաթ ինքնամեկուսանար։ Ըստ ամենայնի Բալեկյանը չի ցանկացել իր ակումբում զրկվել պրակտիկայից և կորցնել տեղը հիմնական կազմում։ Այս խնդրին կանդրադառնանք ավելի ուշ։ Քանի դեռ մեր հավաքականը տեսական հնարավորություն ունի ենթախմբում երկրորդ հորիզոնականը զբաղեցնելու սխալների ու բացթողումների մասին խոսելը կարծում ենք պատեհ չէ։ Մեր հիմնական խնդիրը Հյուսիսային Մակեդոնիային հաղթել է ինչը վերջին հանդիպումից առաջ տեսական հնարավոր է նույնիսկ իրական հնարավորություն տա պայքարելու երկրորդ տեղի համար։ Ռումինիայի հավաքականը, որը մեկ միավոր ավելին ունի նոյեմբերի 11-ին Բուխարեստում մրցելու Իսլանդիայի հետ։ Եթե Հայաստանը հաղթի Հյուսիսային Մակեդոնիային, իսկ Ռումինան չհաղթի իսլանդացիներին Խոակին Կապառոսի թիմը կվերադառնա երկրորդ հորիզոնական ինչը իրական հնարավորություն կտա պահպանելու դիրքը։ Ինչևէ անդրադառնանք թերևս ամենալուրջ խնդրին։
Հյուսիսային Մակեդոնիայի դեմ մրցավեճը որակազրկման պատճառով բաց են թողնելու մեր հավաքականի միանգամից 4 ֆուտբոլիստներ՝ Վարազդատ Հարոյանը, Տարոն Ոսականյանը, Էդուարդ Սպերցյանը և Սարգիս Ադամյանը։ Նշենք, որ Հարոյանն ու Ոսկանյանը կենտրոնական պաշտպաններ են և ընթացիկ շրջափուլում խաղային այս գոտում Կապառոսը հենց նրանց միջոցով էր կառուցում խաղը։ Հիմա Կապառոսի տրամադրության տակ կա թերևս մեկ նոմինալ կենտրոնական պաշտպան ի դեմս Չալըշըրի։ Ցավալի է, որ այս իրավիճակում վնասվածք ունի «Արարատի» կենտրոնական պաշտպան Հրայր Մկոյանը։ Վերջինիս Կապառոսը հրավիրել էր նախորդ հանդիպումներին։ Հյուսիսային Մակեդոնիայի դեմ մրցավեճում իսպանացի մասնագետը ստիպված է լինելու եզրային պաշտպաններից մեկին օգտագործել կենտրոնում։ Հավանական է, որ Չալըշըրի հետ կենտրոնում գործի աջ պաշտպան Հովհաննես Համբարձումյանը։ Ինչ վերաբերվում է խաղային մյուս օղակներին ապա կիսապաշտպանությունում և հարձակման գծում բացը լրացնելը ավելի հեշտ է։ Ի տարբերություն հոկտեմբերին տեղի ունեցած հանդիպումների Կապառոսը հավաքական է հրավիրել Բիչախչյանին և «Արարատ-Արմենիայի» հենակետային Անգուլոյին։
Այս ֆուտբոլիստներին Կապառոսը հավանաբար դիտարկում է որպես Ադամյանի և Սպերցյանի փոխարինողներ։ Մեր ընտրանին կսկսի նախապատրաստությունն առաջիկա հանդիպումներին նոյեմբերի 8-ին՝ անցկացնելով մարզական հավաքը ՀՖՖ Տեխնիկական կենտրոն/ֆուտբոլի ակադեմիայում:
