Ֆրանսիական Վալ-դը-Մարնում (Val-de-Marne) թմրանյութերի դեմ պայքարի օպերացիայի ընթացքում հայտնաբերվել է Պաբլո Պիկասոյի գողացված կտավը։ Այս մասին գրում է AFP-ն։
Կտավի արժեքը գնահատվում է 12–15 մլն եվրո (1 – 1,2 մլրդ ռուբլի)։ Դրա վրա պատկերված է նկարչի նախկին սերը՝ Մարի-Թերեզ Վալտերը։ Հաղորդվում է, որ աշխատանքը նախկինում գողացվել էր մայրաքաղաքային պահոցից։ Պիկասոյի գլուխգործոցն առգրավվել է 17 կգ հաշիշի, 200 հազար եվրո արժողությամբ բրենդային իրերի, ինչպես նաև մի քանի հազար եվրո կանխիկ գումարի հետ միասին։
Ձերբակալվել է վեց մարդ, որոնցից չորսն արդեն կանգնել են դատարանի առաջ։ Ինչպես նշում են տեղական ԶԼՄ-ները, չարագործներից մեկն աշխատել է պահոցում որպես անվտանգության աշխատակից և պարբերաբար հափշտակել այնտեղից արժեքավոր իրերը։
