Երևանի քաղաքապետարանի կողմից պատվիրված ավտոբուսները քիչ-քիչ Երևան են հասնում։ Որոշ խմբաքանակ էլ այսօր է ուղևորվում Երևան։
Նշենք, որ այս ավտոբուսները համապատասխանում են միջազգային չափանիշներին, աշխատում են CNG (բնական գազով), որը համարվում է կանաչ վառելիք:
Ավտոբուսները հատուկ հայկական պատվերով պատրաստել են Չինաստանում գործող, միջազգային բարձր որակավորում ունեցող «Ժոնգ տոնգ» (Zhong Tong) ընկերության գործարանում։
Երևանի քաղաքապետարանի խոսնակ Հակոբ Կարապետյանը հայտնեց, որ առաջիկա օրերին պատվիրված ողջ խմբաքանակը՝ 211 ավտոբուսները, կլինեն Երևանում։