77 կգ քաշային կարգում հանդես եկող հայ ուսանող ծանրամարտիկ Աղասի Աղասյանը Չինաստանի Չենժեն քաղաքում մեկնարկած ուսանողական մարզական համաշխարհային 26-րդ ունիվերսիադայում, երկամարտում ցուցադրելով 337 կգ ընդհանուր արդյունք, գրավել է առաջին տեղը` արժանանալով ոսկե մեդալի:
Հայաստանի Հանրապետության ուսանող-մարզիկները համաշխարհային ունիվերսիադային մասնակցում են 10-րդ անգամ: Ուսանողական խաղերում մեր ներկայացուցիչները նվաճել 14 մեդալ` 3 արծաթե, 11 բրոնզե: Անկախ Հայաստանի պատմության մեջ առաջին անգամ է, որ հայ ուսանող մարզիկը համշխարհային ունիվերսիադայում արժանանում է ոսկե մեդալի:
Համաշխարհային 26-րդ ունիվերսիադայում հայ ուսանող-մարզիկները հանդես են գալիս 5 մարզաձևերում` շախմատ, ծանրամարտ, թեքվանդո, ձյուդո, թենիս: