Քաղաքագետ Էմիլ Օրդուխանյանը ֆեյսբուքյան իր էջում գրում է․
«Ինչպես է բանակցում թուրքը։
Երբ թշնամին մոտեցավ և տեղակայեց իր զորքը Սյունիքում Սև լճի մոտ և այլ տարածքներում, սկսվեցին բանակցություններ հայ-ռուս-ադրբեջանական եռակողմ ձևաչափով։ Իհարկե, այդ բանակցություններն ապարդյուն էին, քանի որ թշնամին հետ չքաշվեց։
Հիմա նա առաջ է բերել իր զորքը և փակել է Հայաստանի զարկերակներից մեկը` Երևան-Մեղրի-Իրան մայրուղին Սյունիքի հատվածում։ Եվ ի՞նչ հետևություն` թուրքը “բանակցում է” այնքան, մինչև հնարավոր դառնա իր զորքն առաջ տանել և բանակցությունը սկսել նոր կետից, իսկ նախկին կետի շուրջ բանակցությունն արդեն կորցնում է իր արդիականությունը։
Ցավո՛ք, այսպես է եղել նաև Առաջին Հանրապետության շրջանում։ Թուրքական բանակցային մարտավարության մասին համապատասխան մարմինները, գոնե, պետք է տեղյակ լինեին։
Իսկ մինչ մենք կխոսենք փակված հատվածը շրջանցող այլընտրանքային ճանապարհների մասին, թշնամին կստանա պատրվակ փակված ճանապարհը չբացելու, բանակցությունները ձգձգելու և հնարավորության դեպքում այդ բանակցությունները նոր կետ տեղափոխելու համար»։
