Այս նախագիծը ես համարում եմ այս փուլում անբարոյական նախագիծ: Այս մասին, այսօր՝ հուլիսի 15-ին, ԱԺ-ում լրագրողների հետ ճեպազրույցի ժամանակ ասաց ԲՀԿ պատգամավոր Նաիրա Զոհրաբյանը՝ անդրադառնալով ԱԺ օրակարգում ներառված նխագծին, որով պտգամավորների ծախսերին ուղղված 50 հազարական դրակները դառնում են 250 հազարական դրամ:
«Համեմատություն կատարել այլ երկրների պատգամավորների աշխատավարձի հետ ու ասել, որ մեր աշխատավարձը բարձր է, դա, իհարկե, այդպես չէ: Ես գտնում եմ, որ այո, պատգամավորները և նրանք, ում վրա դրված է պետության կառավարման դերը, պիտի ստանան արժանապատիվ աշխատավարձ, բայց հիմա դրա ժամանակը չէ, հիմա այդ փուլը չէ, հիմա մենք շատ ավելի կենսական խնդիրներ ունենք: Երկրորդ՝ ինձ համար ամենազավեշտալին հիմնավորումն էր, այսինքն պատգամավորական ծախսերի համար նախատեսված 50 հազար դրամը դարձնել 250 հազար դրամ, որպեսզի պատգամավորը կարողանա գնալ եւ հանդիպել իր ընտրողի հետ: Հիմա ես ձեզ խորհուրդ եմ տալիս իջնել կադրերի բաժին և հարցնել, ամենաշատը քանի պատգամավորի է նամակ ուղարկում քաղաքացին, ում է դիմում քաղաքացին և կտեսնեք, որ այդ եռյակի մեջ ես կլինեմ առաջիններից մեկը: Ինձ որևէ լրավճար պետք չի եղել մեր հայրենակիցների հետ հանդիպելու համար»,- ասաց պատգամավորը:
